Ballkani e ka ndalur me barazim 1-1 Dritën në ndeshjen e luajtur për xhiron e 33-të në elitën e futbollit kosovar.

Pas 16 minutash, Sunday Adetunji realizoi për 1-0 në të mirë të Ballkanit, shkruan Arbresh.info.

Ndërsa pas pesë minutash vendasit mbetën me 10 lojtarë në fushë, pasi Eris Abedini u ndëshkua me karton kuq.

Drita e shfrytëzoi këtë dhe në minutën e 32-të barazoi rezultatin me një super gol të Besnik Krasniqit.

E në minutën e 90-të, një tjetër karton i kuq në ndeshje shkoi për futbollistët e Ballkanit, kësaj radhe për Geralb Smajlin.

Gola tjerë nuk pati dhe dy skuadrat fituan nga një pikë.

Drita si kampion i ri i Kosovës ka 70 pikë në krye të tabelës, derisa Ballkani ndodhet në vendin e dytë me 58.

Ndeshjen e radhës Ballkani e luan në udhëtim te Ferizaj, derisa Drita e pret në shtëpi Dukagjinin./Arbresh.info